لوئر دیر میں بم دھماکہ، سکول کی چار طالبات اور چھہ دیگر افراد ہلاک، 126 زخمی

سٹاف رپورٹر
سنٹرل ايشياء آنلائن کے لۓ
2010-02-03

نومبر 2009 کی اس فائل فوٹو میں، پاکستانی شہری خیبر کے علاقے باڑا میں، ایک سکول کی عمارت کو پہنچنے والے نقصان کا جائزہ لے رہے ہیں۔ لوئر دیر میں تین فروری 2010 کو ہونے والے اس تازہ ترین دھماکے میں چار لڑکیاں ہلاک ہو گئیں جو کہ ایک سکول کے قریب نصب کیا گیا تھا۔ (ایس ٹی آر/ اے ایف پی/ گیٹی امیجز)

لوئر دیر، پاکستان -- ذرائع ابلاغ کی خبروں کے مطابق، تین فروری کو لوئر دیر کی تحصیل بلام بٹ میں لڑکیوں کے ایک سکول کے نزدیک نصب کیے گئے بم کے پھٹنے سے کم از کم دس افراد، جن میں سکول کی چار طالبات بھی شامل ہیں، ہلاک ہو گئے جب کہ دیگر126 افراد زخمی ہو گئے۔

اے ایف پی نے لوئر دیر کے مرکزی شہر تیمرگرہ کے مقامی ہسپتال کے چیف فزیشن، محمد وکیل کے بیان کے حوالے سے بتایا " ہمارے پاس جاں بحق ہونے والے چار افراد کی لاشیں ہیں ، جو کہ دس سے پندرہ سال کی عمر کی سکول کی طالبات کی ہیں"۔

روزنامہ جنگ کے مطابق، زخمی والے 126 افراد میں70 طالبات بھی شامل ہیں، جنہیں پشاور، تیمرگرہ اور سوات کے ہسپتالوں میں بھیج دیا گیا ہے۔ اخبار نے خبر دی ہے کہ ممکنہ طور پر اور بچے بھی اس دھماکے میں ہلاک ہوئے ہیں۔

بہت سے خبری ذرائع کے مطابق، تحرک طالبان پاکستان (ٹی ٹی پی) نے اس دھماکے کی ذمہ داری قبول کر لی ہے۔

مقامی ٹیلی ویژن کی طرف سے بنائی جانے والی وڈیو میں سکول کی عمارت کو کافی قابل قدر نقصان پہنچا ہوا نظر آتا ہے جبکہ امدادی کارکن ملبے کو کھود رہے ہیں۔ ایک نیوز رپورٹ میں کہا گیا ہے کہ ایک نوجوان لڑکی منہدم ہو جانے والی دیوار کے نیچے دب گئی تھی۔

ہلاک ہونے والوں میں تین امریکی فوجی بھی شامل ہیں جو کہ انسانی ہمدردی کی بنیاد پر امداد فراہم کرنے کے پروگرام کے سلسلہ میں ایک دوسرے سکول تک سفر کر رہے تھے۔

ٹی ٹی پی ، لڑکیوں کی تعلیم کی مخالف ہے اور وہ اسے شریعت کی اپنی تشریح کے خلاف تصور کرتی ہے۔

بُک مارکنگ

براۓ مہربانی اس آرٹیکل پر تبصرہ کریں تاکہ ھم آپکے اس ویب سائٹ کے تجربے کو بہتر بنا سکیں۔ کامنٹ پالیسی