تین قازق باشندوں کو دہشت گردی کے الزامات میں سزا

ماریہ کنیازکوفا
2010-02-08

آستانہ -- انٹرفیکس قازقستان کے مطابق، اکتوب کی عدالت نمبر 2 نے اکتیوبنسک اوبلاست کے تین رہائشیوں کو سات سال قید کی سزا سنائی ہے۔ انہیں یہ سزا قازقستان کے ضابطہ فوجداری کی دفعہ 2-233 کے تحت "کسی دہشت گرد گروپ کے قیام اور قیادت" پر سنائی گئی ہے۔

تفتیش کے مطابق، یہ قازق نوجوان داغستان میں دہشت گردانہ سرگرمیوں میں حصہ لینے کی منصوبہ بندی کر رہے تھے۔ تاہم، روسی کسٹم حکام نے انہیں حراست میں لینے کے بعد قازقستان کے حوالے کر دیا۔ تفتیش کے دوران حکام کو ان کے قبضے سے نوٹس، خطوط، موبائل اور کاغذ کے ٹکڑے ملے جن پر جہاد میں حصہ لینے کے نعرے درج تھے۔

خبر رساں ادارے کا کہنا ہے کہ اپریل 2009 میں الماتی میں المالنسک کی ایک علاقائی عدالت نے حزب التحریر کے پانچ اراکین کو سزا سنائی تھی۔ حزب التحریر ایک مذہبی انتہاپسند گروپ ہے جسے قازقستان میں کالعدم قرار دے دیا گیا ہے۔

Bookmarking